‘वंचित’ मध्ये मोठ्या प्रमाणात पक्ष प्रवेश !
अकोला: वंचित बहुजन आघाडीचे राष्ट्रीय अध्यक्ष ॲड प्रकाश आंबेडकर हे सध्या अकोला लोकसभा मतदार संघात अनेक ठिकाणी संवाद सभा घेत आहेत. त्यांच्या या सभांना नागरिकांची मोठ्या प्रमाणात उपस्थित दिसून येत असल्याचे पाहायला मिळत आहे.
यादरम्यान इतर पक्षातील अनेक कार्यकर्ते वंचित बहुजन आघाडी मध्ये जाहीर पक्ष प्रवेश करत आहेत. विविध पक्षाच्या आणि संघटनांच्या पदाधिकाऱ्यांनी व ग्रामपंचायत सांगोळा येथील संपूर्ण ग्रामपंचायत सदस्यांनी प्रकाश आंबेडकर यांच्या उपस्थितीत वंचित बहुजन आघाडीमध्ये जाहीर प्रवेश केला.
पातूर तालुक्यातील खानापूर येथे देखील ॲड. आंबेडकरांची संवाद सभा पार पडली. या संवाद सभेला परिसरातील नागरिकांची मोठ्या प्रमाणात उपस्थिती होती.
इंगळे परिवाराची सांत्वनपर भेट –
वंचित बहुजन आघाडीचे अकोल्यातील खानापुर सर्कलचे कार्यकर्ते बाळू इंगळे यांच्या वडिलांचे नुकतेच निधन झाले होते. या पार्श्वभूमीवर ॲड. प्रकाश आंबेडकर यांनी इंगळे परिवाराची भेट घेऊन सांत्वन केले.
