रत्नागिरी : दापोली तालुक्यातील विद्यार्थ्यांना योग्य करिअर निवडण्यासाठी मार्गदर्शन मिळावे या उद्देशाने सम्यक विद्यार्थी आंदोलन, ता. दापोली यांच्या वतीने करिअर गाईडन्स सेमिनारचे आयोजन करण्यात आले होते.
“दापोलीतील विद्यार्थ्यांच्या हितासाठी सम्यक विद्यार्थी आंदोलनाचे विद्यार्थी सज्ज” असा संदेश या उपक्रमातून देण्यात आला. या सेमिनारमध्ये आर्ट्स, सायन्स, कॉमर्स, स्पर्धा परीक्षा तसेच डिप्लोमा व स्कील-बेस्ड कोर्सेस यांविषयी सविस्तर मार्गदर्शन करण्यात आले.
कार्यक्रमाच्या अध्यक्षस्थानी सूरज पवार होते, तर सूत्रसंचालन राज घाडगे यांनी केले.यावेळी गमरे, शिंदे, गुरव व जाधव यांनी विद्यार्थ्यांना मार्गदर्शन केले. तसेच वंचित बहुजन आघाडी व भारतीय बौद्ध महासभेचे पदाधिकारीही उपस्थित होते. अतिश घाडगे, सुरेश मोरे, नितीन दादा जाधव, अनिल घाडगे यांच्यासह स्थानिक पदाधिकारी, विद्यार्थी व पालक मोठ्या संख्येने सहभागी झाले होते. (Career Guidance Seminar)
कार्यक्रमाची सुरुवात प्रतिमापूजनाने झाली. साहिल घाडगे यांनी प्रास्ताविक सादर केले. त्यानंतर मान्यवरांचा सत्कार करण्यात आला व त्यांच्या मार्गदर्शनपर मनोगतांनी विद्यार्थ्यांना दिशा दिली.
अध्यक्षीय भाषणात सूरज पवार यांनी, “हा उपक्रम केवळ सुरुवात असून पुढील काळात विद्यार्थ्यांच्या हितासाठी आणखी विविध उपक्रम राबवले जातील. विद्यार्थ्यांच्या पाठीशी सम्यक विद्यार्थी आंदोलन ठामपणे उभे राहील,” असे आश्वासन दिले.
