औरंगाबाद : भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त वंचित बहुजन आघाडी, औरंगाबाद जिल्ह्याच्या वतीने भडकळ गेट येथील त्यांच्या पुतळ्यास पुष्पहार अर्पण करून अभिवादन करण्यात आले.
या कार्यक्रमात वंचित बहुजन आघाडीचे पश्चिम जिल्हा निरीक्षक योगेश बन यांच्या हस्ते पुतळ्यास पुष्पहार अर्पण करण्यात आला. यावेळी पश्चिम जिल्हाध्यक्ष रुपचंद गाडेकर, पूर्व जिल्हाध्यक्ष रामेश्वर तायडे, जिल्हा महासचिव मंगेश निकम, शहराध्यक्ष मिलिंद बोर्डे, जिल्हा संघटक राजू किर्तने, जिल्हा उपाध्यक्ष मुंजा तुपसुदरे, जिल्हा सचिव उमेश सरदार, जिल्हा सचिव बाबासाहेब खाडे, गंगापूर तालुका अध्यक्ष बाबासाहेब दुशिंग यांच्यासह अनेक पदाधिकारी उपस्थित होते.
तसेच दिनेश साळवे, माणिकराव करवजे, रवी रत्नपारखे, कान्हू भालेराव, दीपक राऊत, महिला आघाडीच्या पश्चिम शहराध्यक्षा साधना पठारे, करण बनकर, आदित्य भालेराव आदींसह मोठ्या संख्येने कार्यकर्त्यांनी उपस्थित राहून अभिवादन केले. या प्रसंगी उपस्थितांनी डॉ. बाबासाहेब आंबेडकर यांच्या विचारांचा वारसा जपत सामाजिक समतेसाठी कार्य करण्याचा संकल्प व्यक्त केला.
