Bigg Boss 19 Winner : डिसेंबर 2025 मध्ये पार पडलेल्या Bigg Boss (Hindi) सीझन 19 या रिअॅलिटी शोचा विजेता गौरव खन्ना ठरला होता. या सोहळ्यात त्याला 50 लाख रुपयांची रोख रक्कम आणि एक कार बक्षीस म्हणून देण्यात येणार असल्याचे जाहीर झाले होते. मात्र, आता त्याने आपल्या नवीन YouTube व्लॉगमध्ये हे बक्षीस अद्याप मिळाले नसल्याचे त्यांनी सांगितले आहे. शोदरम्यान गौरव खन्नाच्या आयुष्यात अनेक चढ-उतार आले. त्याच्यावर काही आरोपही करण्यात आले होते. मात्र या सर्व अडचणींवर मात करत त्याने शेवटी या शोचे विजेतेपद पटकावले.
चाहत्यांच्या प्रश्नांना दिली उत्तरे
गौरव खन्नाने आपल्या नवीन व्लॉगमध्ये चाहत्यांनी विचारलेल्या अनेक प्रश्नांची उत्तरे दिली. एका चाहत्याने त्याला विचारले की, शोमध्ये जाहीर झालेली रोख रक्कम, गाडी आणि कूपन्स त्याला मिळाले का? यावर गौरव म्हणाला, “खरं सांगायचं तर या सर्व गोष्टी प्रत्यक्ष हातात यायला थोडा वेळ लागतो. मला त्या अजून मिळालेल्या नाहीत, पण मला खात्री आहे की त्या नक्कीच मिळतील; कारण यासाठी एक ठरलेली प्रक्रिया असते.” (Bigg Boss 19 Winner)
ICC T20 Ranking: टी-२० वर्ल्ड कपनंतर आयसीसी रँकिंग जाहीर; संजू सॅमसनची ऐतिहासिक झेप
गौरवने पुढे सांगितले की, अशा बक्षिसांची प्रक्रिया पूर्ण व्हायला साधारण एक ते दोन महिने लागू शकतात. संबंधित कंपनीच्या आंतरिक तपासणी (internal audits) आणि इतर प्रक्रिया पूर्ण झाल्यानंतरच रक्कम आणि इतर बक्षिसे दिली जातात.
तो म्हणाला, “असं नाही की ही रक्कम कधीच मिळणार नाही. यात थोडा वेळ लागतो आणि ते पूर्णपणे स्वाभाविक आहे. मी टीव्ही क्षेत्रातच आहे, त्यामुळे अशा गोष्टींना वेळ लागतो हे मला माहित आहे. त्यामुळे मला काहीच अडचण नाही.” (Bigg Boss 19 Winner)
ESMA म्हणजे काय? केंद्र सरकारच्या धोरणावर ADV.PRAKASH AMBEDKAR संतापले!
कानपूरमध्ये चाहत्यांची गर्दी
शो जिंकल्यानंतर त्याच्या आयुष्यात काय बदल झाले, या प्रश्नावर गौरवने सांगितले की, दररोज सुमारे 50–60 लोक त्याच्या कानपूरमधील घरी त्याला भेटायला येतात. लोकांना त्याचा खेळण्याचा अंदाज खूप आवडला असल्याचेही त्याने नमूद केले. गौरवच्या मते, त्याने यापूर्वी अनेक टीव्ही शो केले असले तरी या शोमुळे त्याला सर्वाधिक लोकप्रियता मिळाली आणि लोक त्याला अधिक ओळखू लागले.
