अकोला : वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी सर्वोच्च न्यायालयाने ईव्हीएम आणि व्हीव्हीपॅटसंदर्भात दिलेल्या निर्णयाचे आपल्या एक्स हॅण्डलवरून कौतूक केले आहे. त्यांनी म्हटले आहे की, वंचित बहुजन आघाडी याविषयी सातत्याने आवाज उठवत आहे. सर्वोच्च न्यायालयाने या प्रकरणाची दखल घेतली ही अतिशय चांगली बाब आहे. मतमोजणीच्या तारखेपूर्वी व्हीव्हीपॅटमोजणीचे निर्देश दिले जातील, अशी आम्हाला आशा आहे.
देशभरात लोकसभा निवडणुकांचे वारे वाहत असून विरोधी पक्षांनी ईव्हीएमवर शंका उपस्थित केली आहे. यामुळे मतपत्रिकांवर निवडणुका घेण्याची मागणी जोर धरु लागली आहे. याच पार्श्वभूमीवर ॲड. आंबेडकरांनी हे ट्विट करत सर्वोच्च न्यायालयाच्या निर्णयाचे कौतूक केले आहे.
