साकोली : वंचित बहुजन आघाडीच्या साकोली तालुका शाखेतर्फे हरित क्रांती दिवस आणि अमित नागदेवे यांच्या वाढदिवसानिमित्त शारदा चौकात वृक्षारोपण कार्यक्रमाचे आयोजन करण्यात आले होते. पर्यावरणाचा समतोल राखण्यासाठी ‘झाडे लावा, झाडे जगवा’ या उपक्रमाअंतर्गत विविध प्रजातींची झाडे लावण्यात आली.
सध्या वाढत्या जंगलतोडीमुळे पर्यावरणाचा ऱ्हास होत असून, पाणीटंचाईसारख्या समस्या निर्माण होत आहेत. ही परिस्थिती लक्षात घेऊन वृक्ष लागवड आणि त्यांचे संगोपन करणे अत्यंत आवश्यक आहे, असे मत या वेळी व्यक्त करण्यात आले.
या कार्यक्रमात जांभूळ, कदम आणि करंजी अशा विविध प्रकारच्या झाडांची लागवड करण्यात आली. याप्रसंगी वंचित बहुजन आघाडीच्या जिल्हा महिला अध्यक्ष तनुजा नागदेवे, माजी जिल्हा संघटक डी. जी. रंगारी, यादोराव गणवीर, गणेश गजभिये यांच्यासह सविता वालदे, गीता वलथरे, बबीता रामटेके व इतर अनेक महिला आणि कार्यकर्ते उपस्थित होते.
