अकोला : अकोला शहरात अनेक वर्षांपासून चालत आलेल्या परंपरेनुसार, गांधीग्राम येथील पूर्णा नदीतून पवित्र जल घेऊन येणाऱ्या कावड भक्तांचे वंचित बहुजन आघाडीने स्वागत केले. शहरातील प्रसिद्ध राजराजेश्वर मंदिरात जलाभिषेक करण्यासाठी येणाऱ्या या भक्तांसाठी वंचित बहुजन आघाडीच्या वतीने स्वागत कार्यक्रम आयोजित करण्यात आला होता.
वंचित बहुजन आघाडीचे जिल्हा महासचिव मिलिंद इंगळे आणि गजानन गवई यांच्या हस्ते या भक्तांचे स्वागत करण्यात आले. महेंद्र डोंगरे यांनी यासाठी खास स्टेज उभारला होता. या कार्यक्रमात जिल्हा महासचिव मिलिंद इंगळे, महानगराध्यक्ष मजहर भाई, महानगर महासचिव गजानन गवई, मनोहर बनसोड, ज्योती खिल्लारे, सरोज वाकोडे, सतीश चोपडे, संतोष किर्तक,
प्रदीप पळसपगार, डॉ. राजुस्कर, संजय किर्तक, शंकरराव इंगोले, अमोल कलोरे, इंगळे ठेकेदार यांच्यासह अनेक पदाधिकारी आणि कार्यकर्ते उपस्थित होते. या सर्व पदाधिकाऱ्यांनी आणि कार्यकर्त्यांनी मिळून कावड भक्तांना शुभेच्छा देऊन त्यांचे स्वागत केले, ज्यामुळे शहरातील धार्मिक सलोख्याचे वातावरण दिसून आले.
