Pune Palkhi : पालखी सोहळ्यानिमित पुण्यातील वाहतुकीत मोठा बदल करण्यात आले आहे. पुण्यात तुकाराम महाराजांची आणि ज्ञानेश्वर मऊलींची पालखी दोन दिवस मुक्कामी असणार आहे. यावेळी लाखो वारकरी सामील झालेले असतात. तसेच पालखीच्या दर्शनासाठी VIP वारकरी देखील येत असतात. यामध्ये एकूण ७१९ दिंड्या पुण्यात दोन दिवस मुक्कामी असतील.
पालखी सोहळ्यानिमित्त वाहतुकीत करण्यात आलेले बदल हे १९ जून रात्री १० पासून ते २३ जून रात्री ११ पर्यंत लागू असतील. रथाचं लाइव लोकेशन ट्रॅक करून मग दर्शनासाठी यावे म्हणजे गर्दी टाळू शकते आणि काही विपरीत घटना घडणार नाही. असे आवाहन पोलिसांनी नागरिकांना केले आहे.
https://diversion.punepolice.gov.in/ या संकेतस्थळावर पालखी रथाचे लाइव लोकेशन आणि इतर सर्व माहिती आहे. कुठल्या परिसरात कुठले रस्ते बंद आहेत आणि त्याला पर्यायी मार्ग काय आहेत या बद्दल सविस्तर माहिती देखील देण्यात आली आहे. तब्बल २३ एंट्री पॉइंटवरून जड, अवजड, स्लो मुव्हिंग, डंपर, मिक्सर या वाहनांना बंदी तर आहेच पण अंतर्गत वाहतुकीस देखील बंदी आहे.
वाहतुकीत काय आहेत बदल?
- बोपोडी चौक (हॅरिश ब्रिज, खडकी)
- राजीव गांधी ब्रिज – औंध
- ब्रेमेन चौक
- बोपखेल फाटा
- खराडी बायपास चौक
- केसनंद गाव
- केसनंद फाटा चौक
- लोणीकंद (थेऊर फाटा)
- तुळापूर फाटा
- राधा चौक
- सुस रोड
- चांदणी चौक
- वारजे जंक्शन
- वडगाव ब्रिज
- नवले ब्रिज
- भूमकर चौक
- कात्रज चौक
- खडी मशीन चौक
- मंतरवाडी फाटा
- वैदुवाडी चौक
- थेऊर फाटा
- दिवे घाट
- रविदर्शन
पुण्यातील काही रस्ते वाहतुकीत बदल करण्यात आले असून आवश्यकतेनुसार रस्ते बंद देखील करण्यात आले आहे. फर्ग्युसन महाविद्यालय रस्ता, रेंज हिल ते संचेती चौक, डेक्कन ते कोथरूड, लक्ष्मी रोड ते बेलबाग चौक, शिवाजी रोड, डेक्कन वाहतूक विभाग ते आपटे रोड, गणेशखिंड रोड आणि इतर मुख्य रस्ते यातही बदल करण्यात येणार आहेत.
वाहने कुठे पार्किंग करू शकता?
- रेस कोर्स परिसर
- एस पी महाविद्यालय
- न्यू इंग्लिश स्कूल टिळक रोड परिसर
- SSPMS व COEP महाविद्यालय मैदान, सिंचन, आपटे प्रशाला
- न्यू इंग्लिश स्कूल, टिळक रोड, आबासाहेब गरवारे कॉलेज, विमलाबाई गरवारे कॉलेज
https://diversion.punepolice.gov.in/
