पुणे : प्रेमसंबंधातील वादाने टोक गाठल्यामुळे मावळ तालुक्यातील इंदोरी गावात धक्कादायक प्रकार उघडकीस आला आहे. सोशल मीडियावरील रील्स स्टार असलेल्या ३० वर्षीय महिलेने प्रियकराची हत्या केल्याचे धक्कादायक प्रकार घडला आहे. संध्या पवार असे महिलेचे नाव असून पोलिसांनी तिला अटक केले आहे. (Pune Crime News)
प्रेमसंबंधातून महिलेचे भांडण झाले होते. या भांडणातून महिलेने तरुणाचे हातपाय बांधले. त्यानंतर क्रिकेटच्या बॅटने अमानुष मारहाण करत त्याचा खून केला. ही घटना 12 जून 2025 रोजी रात्री दहा वाजण्याच्या सुमारास घडली आहे. (Pune Crime News)
कमल रामदयाल मधुकर, वय 30 वर्ष, मूळ रा. छत्तीसगड असे मृत तरुणाचे नाव आहे. या घटनेप्रकरणी कमलच्या बहिणीने तळेगाव एमआयडीसी येथील पोलिस ठाण्यात फिर्याद दाखल केली आहे.
नेमकं काय घडलं?
घटनेप्रकरणी पोलिसांनी दिलेल्या माहितीनुसार, कमल आणि संध्या पवार हिचे गेल्या काही दिवसांपासून प्रेम संबंध होते. कमल गुरुवार 12 जून रोजी रात्री संध्या हिच्या घरी गेला होता. यावेळी प्रेमसंबंधावरून दोघांमध्ये जोरदार वाद झाला. हा वाद विकोपाला गेल्याने संतप्त झालेल्या महिलेने कमलचे हातपाय बांधले आणि क्रिकेटच्या बॅटने त्याला बेदम मारहाण केली. (Pune Crime News)
या मारहाणीत कमल गंभीर जखमी झाला. त्याला तातडीने रुग्णालयात दाखल करण्यात आले होते, मात्र उपचारापूर्वीच त्याचा मृत्यू झाला. असे डॉक्टरांकडून सांगण्यात आले. या घटनेने इंदोरी गावात खळबळ उडाली आहे. पोलिसांनी संध्या पवारला ताब्यात घेऊन तपास सुरू केला आहे. या प्रकरणाचा सखोल तपास तळेगाव एमआयडीसी पोलीस करत आहेत. (Pune Crime News)
