मुंबई : भारतीय बौध्द महासभेचे राष्ट्रीय कार्याध्यक्ष डॉ. भिमराव आंबेडकर यांच्या हस्ते आणि वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांच्या उपस्थित बौद्ध समाज संवाद दौऱ्याचे प्रातिनिधिक उद्घाटन रविवारी (26 जानेवारी) सायं. चैत्यभूमी, दादर येथे होणार आहे.
अशोक सोनोने, यू.जी. बोराळे, राजेंद्र पातोडे, अमित भुईगळ, महेंद्र रोकडे हे वंचित बहुजन आघाडीचे आणि भारतीय बौद्ध महासभेचे पदाधिकारी उपस्थित राहणार आहेत.
वंचित बहुजन आघाडी, महिला आघाडी, युवक आघाडी, सम्यक विद्यार्थी आंदोलन, माथाडी कामगार, विद्वत सभा तसेच भारतीय बौध्द महासभा – समता सैनिक दल आणि बौध्द महासभा महिला आघाडी प्रमुख पदाधिकारी, जिल्हा तालुका आणि वॉर्ड शाखा पदाधिकारी आणि कार्यकर्ते या सोहळ्याला उपस्थित राहणार आहेत.
