दक्षिण सोलापूर : पुणे विभाग पदवीधर व शिक्षक मतदारसंघ निवडणूक २०२६ च्या पार्श्वभूमीवर वंचित बहुजन आघाडीचे अधिकृत उमेदवार प्रा. सोमनाथ साळुंखे सर (पदवीधर मतदारसंघ) आणि डॉ. इक्बाल शेख सर (शिक्षक मतदारसंघ) यांच्या प्रचाराचे नियोजन करण्यासाठी वंचित बहुजन आघाडीच्या दक्षिण सोलापूर तालुका कमिटीची बैठक आज संपन्न झाली.
या बैठकीत तालुक्यातील प्रत्येक मतदारापर्यंत पोहोचण्याच्या दृष्टीने प्रचाराचे नियोजन करण्यात आले. प्रत्येक कार्यकर्त्याने आपापल्या भागातील पदवीधर व शिक्षक मतदारांशी संपर्क साधावा, तसेच बूथस्तरावरील कार्यकर्त्यांनी मतदारांपर्यंत पोहोचून पक्षाच्या अधिकृत उमेदवारांचा प्रचार करावा, अशा सूचना यावेळी देण्यात आल्या.
या बैठकीला वंचित बहुजन आघाडीचे जिल्हाध्यक्ष चंद्रशेखर मडीखांबे, जिल्हा महासचिव अनिरुद्ध वाघमारे, दक्षिण सोलापूर तालुकाध्यक्ष सुरेश देशमुख, माजी जिल्हाध्यक्ष विजय गायकवाड, देविदास भडकुंबे, राजेश गायकवाड, संघटक सिद्धाराम गायकवाड, मानते सिताफळे, शिवाजी मंजलेकर, कटप्पा शिंदे, भीमसेन गायकवाड, सिद्धू गायकवाड, भाऊसाहेब गायकवाड, उमाकांत येरवडे, सतीश येरवडे, किशन रणदिवे, मारुती ग्रुप सुर्वे, अक्कलकोट तालुकाध्यक्ष विशाल ठोंबरे, शहराध्यक्ष प्रशांत गोणेवार यांच्यासह पक्षाचे पदाधिकारी व कार्यकर्ते उपस्थित होते.
पुणे विभाग पदवीधर व शिक्षक मतदारसंघ निवडणुकीत वंचित बहुजन आघाडीच्या अधिकृत उमेदवारांना विजयी करण्यासाठी संघटितपणे काम करण्याचा निर्धार यावेळी व्यक्त करण्यात आला.
