पिंपरी – चिंचवड: पुणे जिल्ह्यात गेल्या काही दिवसांपासून सुरू असलेल्या मुसळधार पावसामुळे मोशी परिसरात भीषण दुर्घटना घडली आहे. मोशी येथील ‘वेस्ट टू एनर्जी’ (कचऱ्यापासून ऊर्जा निर्मिती) प्रकल्पात कचऱ्याच्या प्रचंड ढिगाऱ्याचा भाग घसरून प्रकल्पाच्या मुख्य इमारतीवर कोसळल्याने इमारत जमीनदोस्त झाली.
मिळालेल्या माहितीनुसार, या दुर्घटनेत पाच कामगारांचा जागीच मृत्यू झाला असून, आणखी आठ ते दहा कामगार ढिगाऱ्याखाली अडकल्याची भीती व्यक्त करण्यात येत आहे. सध्या घटनास्थळी बचावकार्य युद्धपातळीवर सुरू असून या घटनेमुळे परिसरात खळबळ उडाली आहे.
