सोलापूर : महाराष्ट्रभरात वंचित बहुजन आघाडीची सभासद नोंदणी मोठ्या प्रमाणात सुरू असून, वंचित बहुजन युवा आघाडीच्या वतीने सोलापुरमध्ये भव्य सभासद नोंदणी अभियान आयोजित करण्यात आले. यावेळी डॉ. बाबासाहेब आंबेडकर यांना अभिवादन करून सभासद नोंदणी कार्यक्रमास सुरुवात करण्यात आली.
कार्यक्रमाच्या प्रारंभी भारतरत्न डॉ. बाबासाहेब आंबेडकर यांच्या प्रतिमेला पुष्पहार अर्पण करून अभिवादन करण्यात आले. त्यानंतर सभासद नोंदणी अभियानाला औपचारिक सुरुवात करण्यात आली.
या अभियानात शहर महासचिव अनिरुद्ध वाघमारे, संजय हरिजन, मल्लिकार्जुन हिरेमठ, युवा शहराध्यक्ष महेश जाधव, युवा शहर महासचिव नरेंद्र शिंदे, चंद्रकांत सुरवसे, रोहित लालसरे, गौतम थापटे, रितेश दुपारगुडे, सौरभ चवरे, शुभम कसबे, विनोद जाधव, अमित बनसोडे, सचिन गायकवाड, अमित मस्के आणि सिद्धू शिवशरण यांच्यासह पदाधिकारी व कार्यकर्ते मोठ्या संख्येने उपस्थित होते. यावेळी अधिकाधिक युवकांनी व नागरिकांनी वंचित बहुजन आघाडीचे सभासद होऊन संघटना अधिक मजबूत करण्याचे आवाहन पदाधिकाऱ्यांनी केले.
