नांदेड : शहरात वाढत्या उन्हाच्या तीव्रतेमुळे दिवसभर रस्त्यावर कर्तव्य बजावणाऱ्या ट्रॅफिक पोलिसांच्या आरोग्याची काळजी घेत वंचित बहुजन युवा आघाडीचे अक्षय बनसोडे यांच्या वतीने ट्रॅफिक पोलिसांना छत्रीचे वाटप करण्यात आले.
सध्या नांदेड शहरात उन्हाचा पारा मोठ्या प्रमाणावर वाढला आहे. अशा कडक उन्हातही वाहतूक पोलीस कर्मचारी रस्त्यावर उभे राहून आपली सेवा चोख बजावत आहेत. त्यांच्या या आरोग्याची काळजी घेत आणि उन्हापासून त्यांचा बचाव व्हावा या सामाजिक भावनेतून या छत्र्यांचे वाटप करण्यात आले.
यावेळी गोपालसिंग टाक, ॲड. वैभव लष्करे, राज बुध्दे, शुद्धोधन कापसीकर, निखिल मुंडे, प्रमोद घोसले, तुषार जेठीथोर आदींची उपस्थिती होती.
