भोर (पुणे) : नसरापूर प्रकरणातील आरोपीला कठोरात कठोर शिक्षा व्हावी आणि हा खटला फास्ट ट्रॅक न्यायालयात चालवण्यात यावा, या मागणीसाठी वंचित बहुजन आघाडी भोर तालुक्याच्या वतीने राजगड पोलीस स्टेशनसमोर तीव्र निषेध आंदोलन करण्यात आले. आंदोलनानंतर वरिष्ठ पोलीस निरीक्षक गवळी साहेब यांना निवेदन देण्यात आले.
या आंदोलनात पुणे शहर अध्यक्ष ॲड. अरविंद तायडे, शहर सचिव प्रा. बी. पी. सावळे, भोर तालुक्यातील कामथडी गावच्या सरपंच निताताई इंगुळकर यांच्यासह वंचित बहुजन आघाडीचे अनेक पदाधिकारी उपस्थित होते.
यामध्ये प्रमोद भालेराव, सतीश अडसूळ, दीपक गायकवाड, किरण भोसले, विश्वास कदम, संतोष जगताप, मिलिंद जगताप, आनंद जगताप, वेणूताई भोसले, नीता जगताप, अक्षदा जगताप, दीपा जगताप, श्रीकांत कदम आणि राजू घाडगे यांनी सहभाग नोंदवला.
आंदोलनकर्त्यांनी प्रशासनाकडे मागणी केली की, पीडितेला तातडीने न्याय मिळावा आणि दोषींना कठोर शिक्षा करून अशा घटनांना आळा घालावा.
