राहुरी : वंचित बहुजन आघाडीचे राहुरी पोट निवडणुकीत विधानसभा मतदारसंघाचे अधिकृत उमेदवार संतोष एकनाथ चोळके यांच्या प्रचारार्थ आज दि. १८ एप्रिल २०२६ रोजी सायंकाळी ५ वाजता राहुरी येथील नवी पेठ, जुन्या सरकारी दवाखान्यासमोर जाहीर सभेचे आयोजन करण्यात आले आहे.
या सभेला वंचित बहुजन आघाडीचे राष्ट्रीय अध्यक्ष प्रकाश आंबेडकर हे प्रमुख मार्गदर्शक म्हणून उपस्थित राहणार आहेत. त्यांच्या मार्गदर्शनाखाली निवडणूक प्रचाराला वेग मिळणार असून, कार्यकर्त्यांमध्ये उत्साहाचे वातावरण निर्माण झाले आहे.
सदर सभेत स्थानिक प्रश्न, विकासाच्या मुद्द्यांसह बहुजन समाजाच्या हक्कांवर भाष्य होण्याची शक्यता व्यक्त केली जात आहे. या जाहीर सभेला मोठ्या संख्येने उपस्थित राहण्याचे आवाहन वंचित बहुजन आघाडीच्या वतीने करण्यात आले आहे.
