पश्चिम आशियात वाढलेल्या तणावामुळे आंतरराष्ट्रीय बाजारात कच्च्या तेलाच्या किमतीत वाढ झाली असून त्याचा परिणाम भारतातही दिसू लागला आहे. पेट्रोल, डिझेल आणि एलपीजीच्या किमती वाढत असतानाच केंद्र सरकारने घरगुती गॅस सिलिंडरच्या बुकिंगबाबत महत्त्वाचा निर्णय घेतला आहे.
पेट्रोलियम मंत्रालयाने गॅस सिलिंडरच्या बुकिंगमधील अंतर वाढवण्याचा निर्णय घेतला आहे. यापूर्वी दोन बुकिंगमधील किमान कालावधी 21 दिवसांचा होता, तो आता वाढवून 25 दिवस करण्यात आला आहे. म्हणजेच ग्राहकांना दोन सिलिंडर बुकिंगदरम्यान किमान 24 दिवसांचे अंतर ठेवणे आवश्यक राहणार आहे. (ESMA imposed nationwide)
सरकारच्या म्हणण्यानुसार हा निर्णय ब्लॅक मार्केटिंग आणि साठेबाजीला आळा घालण्यासाठी घेण्यात आला आहे. त्याच पार्श्वभूमीवर देशभरात अत्यावश्यक सेवा देखभाल कायदा एस्मा (ESMA) लागू करण्यात आला आहे. भविष्यात कृत्रिम टंचाई निर्माण होऊ नये आणि साठेबाजी थांबवण्यासाठी हा निर्णय घेतल्याचे पेट्रोलियम मंत्रालयाने सांगितले आहे.
दरम्यान, एलपीजी सिलिंडरच्या किमतीतही अलीकडेच वाढ करण्यात आली आहे. 7 मार्चपासून घरगुती एलपीजी सिलिंडरच्या किमतीत 60 रुपयांची वाढ झाली आहे, तर 19 किलोच्या कमर्शियल सिलिंडरच्या किमतीत 114.50 रुपयांची वाढ करण्यात आली आहे. (ESMA imposed nationwide)
नवीन दरांनुसार दिल्लीमध्ये 14.2 किलोचा नॉन-सब्सिडी एलपीजी सिलिंडर 913 रुपयांना मिळत आहे. मुंबईमध्ये त्याची किंमत 912.50 रुपये झाली आहे. कोलकातामध्ये हा सिलिंडर 939 रुपयांना मिळत असून चेन्नईमध्ये त्यासाठी 928.50 रुपये मोजावे लागत आहेत.
तसेच 19 किलोच्या कमर्शियल एलपीजी सिलिंडरची किंमत आता 1,883 रुपयांपर्यंत पोहोचली आहे. याशिवाय आयात करण्यात येणाऱ्या एलपीजीचा वापर करताना घरगुती वापराव्यतिरिक्त रुग्णालये आणि शैक्षणिक संस्थांसारख्या महत्त्वाच्या क्षेत्रांना प्राधान्य देण्याचा निर्णयही सरकारने घेतला आहे.
