अहमदनगर : शेवगाव तालुक्यातील नजीक बाभुळगाव येथे वंचित बहुजन आघाडीच्या नवीन शाखेचा उद्घाटन सोहळा मोठ्या उत्साहात संपन्न झाला. या कार्यक्रमाचे प्रमुख मार्गदर्शक म्हणून राज्य महासचिव प्रा. किसन चव्हाण उपस्थित होते, तर कार्यक्रमाचे अध्यक्ष योगेश साठे जिल्हाध्यक्ष यांनी भूषविले.
कार्यक्रमाचे उद्घाटन प्रा. किसन चव्हाण (राज्य महासचिव) यांच्या हस्ते करण्यात आले. यावेळी बोलताना त्यांनी पक्षाची विचारधारा तळागाळातील लोकांपर्यंत पोहोचवण्याचे आवाहन केले. तसेच अध्यक्षीय भाषणात जिल्हाध्यक्ष योगेश साठे यांनी, “येणाऱ्या काळात वंचित बहुजन आघाडीची ताकद गावपातळीवर अधिक मजबूत करण्यासाठी सर्व कार्यकर्त्यांनी एकजुटीने काम करणे आवश्यक आहे,” असे प्रतिपादन केले.
याप्रसंगी मान्यवरांच्या हस्ते नवनियुक्त पदाधिकाऱ्यांना सन्मानित करण्यात आले. अध्यक्ष विजय घाडगे, उपाध्यक्ष विनोद चांदणे, सचिव राजकुमार घाडगे, खजिनदार अशोक चांदणे, सहसंघटक संतोष घाडगे, सल्लागार शिमोन घाडगे आदींच्या शाखा पदाधिकारी म्हणून निवड करून घोषणा जिल्हाध्यक्ष योगेश साठे यांनी केली.
इतर महत्त्वाच्या निवडी अनिता शरद अंगरखे शाखाध्यक्ष, कुरुडगाव महिला आघाडी, अरुण कडू निळ: शाखाध्यक्ष, कुरुडगाव करण्यात आल्याचे रवींद्र निळ जिल्हा संघटक यांनी सांगितले. या सोहळ्याला भारतीय बौद्ध महासभेचे नितीन खंडागळे यांच्यासह विविध संघटनांचे आजी-माजी पदाधिकारी मोठ्या संख्येने उपस्थित होते.
तसेच जिल्ह्यातील आणि तालुक्यातील प्रमुख पदाधिकारी शाहूराव खंडागळे (जिल्हा उपाध्यक्ष), रवींद्र निळ (जिल्हा संघटक), प्यारेलाल शेख (तालुकाध्यक्ष), ऑगस्टींग गजभिव (युवक तालुकाध्यक्ष), वसंत आव्हाड या कार्यक्रमाला नजीक बाभुळगाव परिसरातील ग्रामस्थ, महिला व युवक मोठ्या संख्येने उपस्थित होते.
