मुंबई : महाराष्ट्रात कोरोना रुग्णांच्या संख्येत लक्षणीय वाढ होताना पाहायला मिळत आहे. राज्यात दिवसभरात कोरोनाचे 114 नवे रुग्ण सापडले असून एका महिलेचा मृत्यू झाला आहे. तर दुसरीकडे देशात 5000 हुन अधिक सक्रिय कोरोना रुग्णांची नोंद झाली आहे. महाराष्ट्रात देखील काल दिवसभरात 114 नवे सक्रिय रुग्ण सापडले आहेत.तर एका 47 वर्षीय महिलेचा मृत्यू झाला आहे.
भारतात पुन्हा एकदा कोरोना रुग्णांची संख्या वाढू लागली आहे. देशात सर्वाधिक रुग्ण केरळ राज्यात सापडले असून केरळमध्ये 24 तासांमध्ये सर्वाधिक 192 रुग्णांची नोंद झाली आहे. त्यानंतर गुजरात, पश्चिम बंगाल, दिल्ली येथेही मोठ्या प्रमाणात कोरोना रुग्ण आढळून आले आहेत. तर महाराष्ट्रात देखील शुक्रवारी (6 जून) दिवसभरात रुग्णसंख्येत वाढ झाली असून 114 नवे रुग्ण सापडले आहेत. तर एका 47 वर्षांच्या महिलेचा मृत्यू झाला आहे. देशाता कोरोनाचे एकूण सक्रिय रुग्ण ५,३६४ असून महाराष्ट्रात देखील कोरोनाचे ११४ नवीन रुग्ण आढळले आहेत. या वर्षी राज्यात जानेवारीपासून एकूण रुग्णांची संख्या १,२७६ झाली आहे. महाराष्ट्रात कोरोनामुळे आणखी एकाचा मृत्यू झाला असून आतापर्यंत राज्यात मृतांचा आकडा १८ वर पोहोचला आहे.
