उत्तर प्रदेश, देवरिया – उत्तर प्रदेशातील देवरिया जिल्ह्यातून एक धक्कादायक घटना समोर आली आहे. येथील एका 60 वर्षीय व्यक्तीने बकरी ईदनिमित्त स्वतःची कुर्बानी देऊन जीव दिला आहे. इश मोहम्मद असे त्या व्यक्तीचे नाव आहे. त्याने एक सुसाईड नोट लिहून गळा चिरून आत्महत्या केली आहे.
ईद-उल-अजहा (बकरी ईद) निमित्त प्राण्यांची कुर्बानी दिली जाते, मात्र उत्तर प्रदेशातील देवरिया जिल्ह्यातील ६० वर्षीय इश मोहम्मद याने स्वतःला बलिदान म्हणून अर्पण केले आणि गळा कापून आत्महत्या केली. ही घटना देवरिया जिल्ह्यातील गौरी बाजार पोलीस स्टेशन परिसरातील उधोपूर गावातील आहे. वृत्तानुसार, इश मोहम्मद सकाळी ईदची नमाज अदा करण्यासाठी मशिदीत गेला होता. आणि सकाळी १० वाजेच्या सुमारास घरी परतला. त्यानंतर त्याने आत्महत्या केली.
पोलिसांना घटनास्थळावरून एक सुसाईड नोट सापडली आहे. त्यात लिहिले आहे, “एक माणूस बकरीला आपल्या मुलासारखे वाढवून बकऱ्याची बलिदान देतो. तो देखील एक जिवंत प्राणी आहे, बलिदान दिले पाहिजे. मी अल्लाहच्या पैगंबराच्या नावाने स्वतःची बलिदान देत आहे. मला शांततेत दफन करा, कोणाचीही भीती बाळगू नका.” पोलिसांनी मृतदेह ताब्यात घेतला आहे आणि तो शवविच्छेदनासाठी पाठवला आहे. गुन्हा दाखल करण्यात आला आहे आणि सुसाईड नोटची चौकशी केली जात आहे. त्याने हे कृत्य मानसिक तणावाखाली केले आहे का याचा तपास पोलिस करत आहेत.
