मुंबई, दि. ४ जून – दोन दिवसांपूर्वी शहीद जवान मुरली नाईक यांच्या कुटुंबियांसोबत अॅड.प्रकाश आंबेडकर यांनी फोनवरून संवाद साधला होता. आज दुपारी त्यांनी मुंबईत जाताच घाटकोपर येथे त्यांच्या घरी जाऊन प्रत्यक्ष भेट दिली. या भेटीदरम्यान अॅड.प्रकाश आंबेडकर यांनी शहीद जवान मुरली नाईक यांना विनम्र अभिवादन केले आणि त्यांच्या कुटुंबियांचे सांत्वन केले.
सध्या नाईक कुटुंबियांना कुठलीही शासकीय मदत मिळालेली नाही. कुटुंबियांनी काही मागण्या मांडल्या असून त्या लवकरात लवकर शासनापर्यंत पोहोचवून योग्य तो निर्णय घेण्यात येईल, असे आश्वासन आंबेडकर यांनी या भेटी दरम्यान दिले आहे. यावेळी शहीद जवान मुरली नाईक यांचे आई-वडील उपस्थित होते. याबाबत बोलताना, देशासाठी बलिदान देणाऱ्या वीर जवानाच्या कुटुंबियांची ही भेट अत्यंत भावूक आणि प्रेरणादायी ठरली असल्याचे अॅड.प्रकाश आंबेडकर यांनी म्हटले आहे.
