औरंगाबाद : विश्वरत्न डॉ. बाबासाहेब आंबेडकर यांच्या १३५ व्या जयंतीनिमित्त वंचित बहुजन आघाडीच्या वतीने क्रांतीचौक येथे महिला आघाडीचे विशेष स्टेज उभारण्यात आले असून या उपक्रमाला महिलांचा मोठा प्रतिसाद मिळत आहे.
वंचित बहुजन आघाडीचे राष्ट्रीय अध्यक्ष प्रकाश आंबेडकर यांच्या आदेशानुसार तसेच प्रदेश अध्यक्षा रेखा ठाकूर, प्रदेश सदस्य व जिल्हा प्रभारी अरुंधती शिरसाठ आणि नेते तथा नगरसेवक अमित भुईगळ यांच्या मार्गदर्शनाखाली हा उपक्रम राबविण्यात आला आहे. विशेष म्हणजे, शहरात इतर कोणत्याही प्रमुख पक्षाकडून महिलांसाठी स्वतंत्र स्टेज उभारण्यात आले नसताना वंचित बहुजन महिला आघाडीने सलग तिसऱ्या वर्षी हा उपक्रम राबवला आहे. (Vanchit Bahujan Aghadi)
क्रांतीचौक येथे उभारलेल्या या स्टेजला भेट देण्यासाठी विविध पदाधिकारी आणि नेत्यांनी हजेरी लावली. यामध्ये नेते अमित भुईगळ, प्रदेश प्रवक्ता तय्यब जफर, नगरसेविका करुणा जाधव, नगरसेवक जावेद कुरेशी, जिल्हाध्यक्ष रामेश्वर तायडे, रूपचंद गाडेकर, शहराध्यक्ष पंकज बनसोडे, जिल्हा अध्यक्षा (प) कोमल हिवाळे, शहराध्यक्ष मतीन पटेल, युवा शहराध्यक्ष राहुल मकासरे आदी मान्यवरांचा समावेश होता. उपस्थित मान्यवरांनी महिलांना प्रमाणपत्र देत शुभेच्छा दिल्या.
या उपक्रमाच्या यशस्वी आयोजनासाठी शहर अध्यक्षा वंदना जाधव (नरवडे), साधना पठारे (प), वर्षा जाधव (उपाध्यक्ष), वैशाली राणेकर (उपाध्यक्ष), धम्मप्रिया खरात (महासचिव), मंगल देहरे (प्रसिद्धी प्रमुख), जया गजभिये (सल्लागार), सुनीता सोनावणे (संघटक), रेखा उजगिरे (सचिव), अॅड. पुष्पा घोडके (कोषाध्यक्ष) तसेच आमपाली दांडगे, मोनिका मोरे, कावेरी गायकवाड, सचिन गायकवाड, अनुश जाधव आणि इतर सर्व महिला आघाडी सदस्यांनी विशेष परिश्रम घेतले.
महिलांना संघटित करण्यासाठी आणि सामाजिक व राजकीय क्षेत्रात त्यांचा सहभाग वाढवण्यासाठी हा उपक्रम महत्त्वपूर्ण ठरत असून, शहरात याची सकारात्मक चर्चा सुरू आहे.
