जालना : भोकरदन तालुक्यातील वाडी बु. येथे डॉ. बाबासाहेब आंबेडकर स्मारक समिती, वाडी बु., अखिल भारतीय बौद्ध महासभा आणि समता सैनिक दल यांच्या संयुक्त विद्यमाने एकदिवसीय कार्यशाळेचे आयोजन करण्यात आले. या कार्यशाळेला समता सैनिक दलाचे पदाधिकारी, स्मारक समितीचे पदाधिकारी तसेच गावातील बौद्ध उपासक-उपासिका मोठ्या संख्येने उपस्थित होते.
कार्यशाळेदरम्यान समता सैनिक दलाची भूमिका, संघटनात्मक कार्य, सामाजिक बांधिलकी तसेच डॉ. बाबासाहेब आंबेडकर यांच्या विचारांचा प्रसार याबाबत उपस्थितांना मार्गदर्शन करण्यात आले. सामाजिक परिवर्तनाच्या कार्याला अधिक बळकटी देण्यासाठी संघटन मजबूत करण्याची आणि सामाजिक कार्यात सक्रिय सहभाग घेण्याची गरज यावेळी व्यक्त करण्यात आली.
यावेळी समता सैनिक दलाचे तालुका अध्यक्ष मिलिंद मगरे, ले. कर्नल तथा जिल्हा उपाध्यक्ष आयु. दहिवले, कल्पना वेलदोडे, मनोहर घोरपडे, सोमनाथ घोरपडे, कैलास राऊत, परमेश्वर ससाणे, सुखदेव वाघ, प्रभाकर सरोदे, गणेश इंगळे, विनायक ससाणे यांच्यासह डॉ. बाबासाहेब आंबेडकर स्मारक समितीचे अध्यक्ष, उपाध्यक्ष, सचिव आणि सदस्य उपस्थित होते. कार्यशाळेला वाडी बु. येथील बौद्ध उपासक-उपासिकांचा उत्स्फूर्त प्रतिसाद मिळाला.
