मालेगाव – वंचित बहुजन आघाडी, मालेगांव शहरच्यावतीने मालेगाव कॅम्प येथील स्मशान मारुती मळा येथे वंचित बहुजन आघाडी महिला शाखा फलकाचे अनावरण प्रबुद्ध भारतचे उपसंपादक व कार्यक्रमाचे प्रमुख अतिथी जितरत्न दादा पटाईत यांच्या हस्ते करण्यात आले.
येथील शाखेच्या फलक अनावरण कार्यक्रमासाठी मालेगांव शहराध्यक्ष कैलासभाऊ लोहार यांनी पुढाकार घेतला. यावेळी वंचित बहुजन आघाडी पक्षाची ध्येय धोरणे याची व शाखेच्या मार्फत आपले व परिसरातील नागरिकांच्या समस्या,मूलभूत अधिकार मिळविण्यासाठी संघटनात्मक कार्य याची माहिती जितरत्नदादा पटाईत यांनी उपस्थित शाखेच्या महिला पदाधिकाऱ्यांना दिली.
वंचित बहुजन आघाडीचे ज्येष्ठ नेते प्रा.राजेंद्र पवार व शहराध्यक्ष कैलासभाऊ लोहार यांनी आपले मनोगत व्यक्त केले. यावेळी शहर उपाध्यक्ष दिलीप सोनवणे यांच्यासह महिला शाखा अध्यक्षा भारती देशमुख,महासचिव मनीषा शेजवळ,उपाध्यक्ष रीना सूर्यवंशी, तुळसाबाई खरटमल,सुरेखा झेंट,शोभा पवार,संघटक मीराबाई कार्ले,शकुंतला शेजवळ, सहसंघटक छाया पाठक, सुमनबाई गांगुर्डे,मंगल पवार,सल्लागार गंगाबाई गांगुर्डे,आशाबाई गाडे,संपर्क प्रमुख सिमा शेजवळ,सचिव शीतल शेजवळ,सहसचिव ज्योती काळे, विजयश्री परदेशी,सदस्य चंद्रप्रभा परदेशी, रत्नाबाई आहिरे,बेबिबाई सोळंकी, गौतमाबाई आहीरे,बेबीबाई महाले, कोकिळा शेजवळ यांच्यासह परिसरातील नागरिक व महिला मोठ्या संख्येने उपस्थित होते.
