मुंबई : चेंबूर येथील माता रमाई आंबेडकर नगर वसतिगृहातील विद्यार्थिनींना भेडसावणाऱ्या विविध समस्यांबाबत वंचित बहुजन आघाडीकडे तक्रारी प्राप्त झाल्यानंतर वंचित बहुजन महिला आघाडीच्या मुंबई प्रदेशाध्यक्ष स्नेहल सोहनी यांनी पदाधिकाऱ्यांसह वसतिगृहाला प्रत्यक्ष भेट देऊन पाहणी केली.
यावेळी स्नेहल सोहनी आणि पदाधिकाऱ्यांनी वसतिगृहातील विद्यार्थिनींशी संवाद साधून त्यांच्या अडचणी व विविध समस्यांची माहिती जाणून घेतली. तसेच वसतिगृहातील उपलब्ध सुविधा, स्वच्छता, सुरक्षितता तसेच विद्यार्थिनींना मिळणाऱ्या इतर मूलभूत सोयी-सुविधांची पाहणी करण्यात आली.
Also Read : डॉ. नरेंद्र दाभोलकर हत्या प्रकरणातील मुख्य आरोपी सचिन अंदुरेला उच्च न्यायालयाकडून जामीन; जन्मठेपेलाही स्थगिती
विद्यार्थिनींनी यावेळी मांडलेल्या विविध समस्या व अडचणींची वंचित बहुजन आघाडीच्या पदाधिकाऱ्यांनी गांभीर्याने दखल घेतली. या समस्यांबाबत संबंधित प्रशासनाकडे पाठपुरावा करून विद्यार्थिनींना आवश्यक सुविधा उपलब्ध करून देण्यासाठी आणि प्रलंबित प्रश्नांवर तातडीने उपाययोजना करण्यासाठी वंचित बहुजन आघाडी प्रयत्नशील राहणार असल्याचे सांगण्यात आले. या पाहणीदरम्यान वंचित बहुजन आघाडीचे पदाधिकारी, महिला आघाडीच्या पदाधिकारी तसेच कार्यकर्ते उपस्थित होते.
