मुंबई : वंचित बहुजन आघाडीच्या वतीने १ ऑक्टोबर २०२६ रोजी मुंबईतील छत्रपती शिवाजी महाराज टर्मिनस येथे आयोजित करण्यात आलेल्या इराण राष्ट्राच्या समर्थनार्थ आंदोलनाला दक्खन टायगर संघटन, महाराष्ट्र यांनी पाठिंबा जाहीर केला आहे.
‘भारत इराणबरोबर आहे’ हा संदेश केंद्र सरकारपर्यंत पोहोचविण्यासाठी १ ऑक्टोबर रोजी दुपारी १ वाजता हे आंदोलन आयोजित करण्यात आले आहे. या आंदोलनाला दक्खन टायगर संघटन, महाराष्ट्रचा संपूर्ण पाठिंबा असल्याचे संघटनेचे महाराष्ट्र संस्थापक अध्यक्ष सईद सलीम यांनी दिलेल्या पत्रातून स्पष्ट केले आहे.
या आंदोलनात दक्खन टायगर संघटनेचे पदाधिकारी आणि कार्यकर्ते सहभागी होणार आहेत. तसेच होणारा आंदोलन यशस्वी करण्यासाठी संविधानिक आणि शांततामय मार्गाने सहकार्य करण्यात येईल असेही सईद सलीम यांनी पत्रात नमूद केले आहे.
