अहमदनगर : शेवगाव तालुक्यातील बालमटाकळी येथे वंचित बहुजन आघाडीच्या शाखेचे उद्घाटन काल सायंकाळी वंचित बहुजन आघाडीचे राज्याचे नेते तथा राष्ट्रीय कार्यकारिणी सदस्य प्रा. किसन चव्हाण आणि जिल्हाध्यक्ष योगेश साठे यांच्या हस्ते करण्यात आले. या शाखा उद्घाटनाला गावातील सर्व समाजातील तरुणांनी मोठ्या संख्येने एकत्र येत उत्स्फूर्त प्रतिसाद दिला.
राजकीयदृष्ट्या जागृत असलेल्या बालमटाकळी गावात प्रस्थापित राजकीय पक्ष आणि त्यांच्या नेत्यांना पर्याय निर्माण करण्याच्या उद्देशाने प्रथमच मोठ्या संख्येने तरुण वंचित बहुजन आघाडीच्या माध्यमातून एकत्रित आले. शाखा उद्घाटनाच्या निमित्ताने गावातून वंचित बहुजन आघाडीच्या पदाधिकारी आणि कार्यकर्त्यांची ढोल-ताशांच्या गजरात सवाद्य मिरवणूक काढण्यात आली. त्यानंतर शाखेच्या फलकाचे अनावरण करण्यात आले.
शाखा उद्घाटनानंतर ग्रामपंचायत कार्यालयाच्या प्रांगणात सभेचे आयोजन करण्यात आले. यावेळी प्रा. किसन चव्हाण आणि जिल्हाध्यक्ष योगेश साठे यांनी उपस्थितांना मार्गदर्शन केले. सभेला ग्रामस्थांसह परिसरातील वंचित बहुजन आघाडीचे पदाधिकारी व कार्यकर्ते मोठ्या संख्येने उपस्थित होते.
यावेळी जिल्हा उपाध्यक्ष शाहूराव खंडागळे, कल्याणराव भागवत, तालुकाध्यक्ष प्यारेलाल शेख, अरुण झांबरे पाटील, ऑगस्टीन गजभिव, रवींद्र निळं, बन्नू शेख, धोंडराम मासाळ, विष्णू वीर, लुकस गजभिव, प्रमोद गजभिव, लक्ष्मण मोरे, सलीम जिलानी, रज्जाक सय्यद, अरुण निळ, भारतीय बौद्ध महासभेचे तालुकाध्यक्ष सुरेश घोक्षे यांच्यासह पक्षाचे पदाधिकारी व कार्यकर्ते उपस्थित होते.
शाखेचे अध्यक्ष दारासिंग भोगळे, संतोष घोरपडे, सूर्यकांत भोगळे, अरुण भोंगळे, अशोक भोंगळे, संदेश खंडागळे, बंडूअण्णा शिंदे, अशोक वाघूबरे, भारत घोरपडे, संभाजी घोरपडे आदी कार्यकर्त्यांनी कार्यक्रम यशस्वी करण्यासाठी परिश्रम घेतले.
VBA Branch Inaugurated in Balamtakali; Large Participation of Youth from All Communities
