पुणे : वंचित बहुजन आघाडीचे पुणे लोकसभा मतदार संघातील उमेदवार वसंत मोरे यांना रोड रोलर हे निवडणूक चिन्ह मिळाले आहे. तर शिरूर मतदार संघातील आफताब शेख यांना प्रेशर कुकर ही निशाणी मिळाली आहे.
पुणे लोकसभा मतदार संघात तिरंगी लढत होत असल्याने मोठी चूरस पाहायला मिळत आहे. त्यामुळेच पुण्यात थेट मोदींनी लक्ष लागले असेल तरी वसंत मोरे यांची बाजू भक्कम असल्याचे बोलले जात आहे. विशेषतः मनसेने मशिदींवरील भोंग्यांबाबत घेतलेल्या भूमिकेवेळी वसंत मोरे यांनी सर्व धर्म समभाव अशी भूमिका घेतली होती. त्यामुळे मुस्लिम समाज मोरे यांच्या पाठीशी आहे. त्यामुळे काँग्रेस आणि भाजपच्या उमेदवारांच्या तुलनेत पुण्यातील दलित, मुस्लिम आणि मध्यमवर्गीय समाज मोठ्या संख्येने आहे. तो संपूर्ण समाज वंचित बहुजन आघाडीसोबत असल्याने निवडणुकीत रंगत आली आहे.
त्याचप्रमाणे शिरूर मतदारसंघात राष्ट्रवादी (अजित पवार गट) आणि महाविकास आघाडीचे उमेदवार रिंगणात आहेत. तिथे वंचित बहुजन आघाडीचे आफताब शेख रिंगणात असल्याने तिरंगी लढत होणार आहे.
