मुंबई : वंचित बहुजन आघाडीच्या महाराष्ट्र प्रदेश संघटात्मक निवडणूक २०२६ आज, गुरुवार (३० जुलै) रोजी लोकशाही पद्धतीने उत्साहात पार पडली.
पक्षांतर्गत आयोजित करण्यात आलेल्या या निवडणुकीसाठी राज्यभरातून मोठ्या संख्येने मतदान झाले. विशेष म्हणजे, ज्येष्ठ नागरिकांनीही उत्स्फूर्तपणे सहभाग नोंदवत आपला मतदानाचा हक्क बजावला. मतदान प्रक्रियेदरम्यान कार्यकर्त्यांमध्ये उत्साहाचे वातावरण पाहायला मिळाले.
संपूर्ण निवडणूक प्रक्रिया शांततापूर्ण, पारदर्शक आणि लोकशाही मूल्यांचे पालन करत पार पडल्याची भावना उपस्थित कार्यकर्त्यांनी व्यक्त केली.
