‘एपस्टाईन फाईल्स’ प्रकरणी मुंबईतील निदर्शनांसाठी वंचित बहुजन आघाडीची पनवेलमध्ये नियोजन बैठक

रायगड : वंचित बहुजन आघाडीचे राष्ट्रीय अध्यक्ष ॲड. बाळासाहेब आंबेडकर यांच्या आदेशानुसार, ‘एपस्टाईन फाईल्स’ प्रकरणात भारताच्या पं तप्रधानांचे नाव आल्याच्या निषेधार्थ २ मार्च रोजी मुंबई येथे भव्य निदर्शने करण्यात येणार आहेत. या आंदोलनाच्या पार्श्वभूमीवर पनवेलमध्ये वंचित बहुजन आघाडीची महत्त्वाची संयुक्त नियोजन बैठक नुकतीच पार पडली.

पनवेल महानगर अध्यक्ष आनंद गायकवाड यांच्या मार्गदर्शनाखाली पनवेल महानगर कमिटी आणि पनवेल तालुका यांची ही संयुक्त बैठक आयोजित करण्यात आली होती. या बैठकीचा मुख्य उद्देश मुंबईतील मोर्चात पनवेलमधून जास्तीत जास्त कार्यकर्ते आणि नागरिकांचा सहभाग निश्चित करणे हा होता. (Epstein Files protest)

अहमदनगर : भिंगार येथील ‘बोगस’ जमीन खरेदी रद्द करा! वंचित बहुजन आघाडीचा जनआंदोलनाचा इशारा

या बैठकीत पनवेलमधून जास्तीत जास्त संख्येने नागरिक व कार्यकर्ते मुंबईतील मोर्चात सहभागी कसे होतील याबाबत सविस्तर नियोजन करण्यात आले. वाहतूक व्यवस्था, संपर्क मोहीम, विभागनिहाय जबाबदाऱ्या आणि प्रचार यासंदर्भात चर्चा करून नियोजन आखण्यात आले. (Epstein Files protest)

या बैठकीला वंचित बहुजन आघाडीचे अनेक मान्यवर उपस्थित होते. यात पनवेल महानगर अध्यक्ष आनंद गायकवाड, पनवेल तालुका अध्यक्ष ॲड. हेमंत शिंदे, महानगर महासचिव अविनाश अडागळे, तालुका महासचिव अक्षय उबाळे, कोशाध्यक्ष निवेदन देठे, युवा अध्यक्ष अमन तायडे यांचा समावेश होता. तसेच सचिव राजेश रणधीरे, अरबाज पठाण, महानगर सचिव विजय घोबाळे, कामोठे सचिव छबन गायकवाड, अमित मोहिते, वसंत राजा, जितेंद्र जावळे यांसह मोठ्या संख्येने कार्यकर्ते उपस्थित होते.