कोल्हापूर : अर्जूनवाड (जि.कोल्हापूर) येथे वंचित बहुजन आघाडीच्या शाखेचे उद् घाटन करण्यात आले. शिरोळ तालुका अध्यक्ष संदीप कांबळे यांच्या अध्यक्षतेखाली उद् घाटन सोहळा झाला. तालुका उपाध्यक्ष गजानन धनवडे याच्या हस्ते दीप प्रज्वलन झाले. तालुका महासचिव विश्वास शिंगे व तालका सचिव सुनील भोसले यांच्या हस्ते डॉ. बाबासाहेब आंबेडकर यांना पुष्पहार अर्पण करून अभिवादन करण्यात आले.
शिरोळ तालुका अध्यक्ष संदीप कांबळे म्हणाले की, आगामी लोकसभा निवडणुकीची आचारसंहिता लागण्यापूर्वी तालुक्यातील प्रत्येक गावातील शाखा बांधणी पूर्ण करून घेण्याची तयारी सुरू आहे. बूथ बांधणीचे देखील काम सुरू असून, वंचित बहुजन आघाडी हा पक्ष घराघरात पोहचवण्याचे काम तालुका पदाधिकारी करत आहेत. अर्जूनवाडची शाखा ही तालुक्यातील 38 वी शाखा आहे. या वेळी तालुका महासचिव किरण कांबळे, तालुका संघटक गौतम कांबळे, तालुका सल्लागार अजित कांबळे, तालुका संघटक निखिल कांबळे, तालुका कोषाध्यक्ष बिरु कांबळे यासह अर्जुनवाड गावचे वंचित आघाडीचे कार्यकर्ते मधुकर कांबळे तसेच शाखेचे सर्व पदाधिकारी, ग्रामस्थ उपस्थित होते.
