मुंबई : मुंबई येथील छत्रपती शिवाजी महाराज पार्क येथे वंचित बहुजन आघाडीच्या वतीने दिनांक २५ नोव्हेंबर रोजी, संविधान सन्मान सभेचे आयोजन करण्यात आले आहे. या निमित्ताने आज ॲड. प्रकाश आंबेडकर यांची पत्रकार परिषद पार पडली यावेळी बोलताना ॲड. प्रकाश आंबेडकर म्हणाले की,काँग्रेस पक्षाचे नेते राहुल गांधी यांना या ‘संविधान सन्मान महासभे’साठी निमंत्रण द्यावे असा निर्णय आमच्या राज्य कार्यकारिणीत झाला आहे. त्यामुळे त्यांनाही आम्ही निमंत्रण पाठवणार आहोत.
संविधान सन्मान महासभे’चा उद्देश २०२४च्या लोकसभा निवडणुकीच्या अगोदर संविधान हा विषय ऐरणीवर आला पाहिजे. याची जाणीव लोकांना करून द्यायला ही महासभा आहे. असेही ॲड. आंबेडकरांनी म्हटले आहे.
