मांजरी स्टड फार्म आदिवासी वसतिगृह आंदोलन: सुजात आंबेडकर आज उपोषणकर्त्या विद्यार्थ्यांची भेट घेऊन भूमिका मांडणार

पुणे : पुणे जिल्ह्यातील मांजरी येथील आदिवासी विद्यार्थ्यांच्या विविध मागण्यांसाठी सुरू असलेल्या आमरण उपोषणाची वंचित बहुजन आघाडीने दखल घेतली आहे. वंचित बहुजन आघाडीचे युवा नेते सुजातदादा आंबेडकर हे मंगळवार, दि. २५ ऑगस्ट रोजी मांजरी येथील आदिवासी विद्यार्थ्यांच्या उपोषणस्थळी भेट देणार आहेत.

सुजात आंबेडकर हे उपोषणकर्त्या विद्यार्थ्यांची भेट घेऊन त्यांच्या मागण्या, आंदोलनाची सद्यस्थिती आणि विद्यार्थ्यांच्या प्रश्नांबाबत त्यांची भूमिका जाणून घेणार आहेत. त्यानंतर दुपारी ठीक ३ वाजता आदिवासी विद्यार्थ्यांच्या वसतिगृह परिसरात ते पत्रकार परिषदेला संबोधित करणार आहेत.