औरंगाबाद : वंचित बहुजन आघाडीचे युवा नेते सुजात आंबेडकर यांनी बिडकीन येथील जल शुद्धीकरण केंद्राला भेट देऊन तेथील कामकाजाची प्रत्यक्ष पाहणी केली.
निवडणूक प्रचाराच्या रणधुमाळीत मतदारसंघातील मूलभूत सुविधांची स्थिती नेमकी काय आहे, हे जाणून घेण्यासाठी हा दौरा आयोजित करण्यात आला होता. सुजात आंबेडकर यांनी यावेळी जल शुद्धीकरण केंद्रातील यंत्रणेची माहिती घेतली. लोकांना शुद्ध आणि पुरेसा पाणीपुरवठा होतो का? याची त्यांनी प्रत्यक्ष केंद्रावर जाऊन खातरजमा केली.
पाहणी दौऱ्यावेळी सुजात आंबेडकर यांच्यासोबत अरुंधती शिरसाठ (सदस्या, राष्ट्रीय कार्यकारिणी), रामेश्वर तायडे (जिल्हाध्यक्ष, पूर्व), सतीश गायकवाड (युवा जिल्हाध्यक्ष), संदीप जाधव (युवा शहराध्यक्ष) यांसह वंचित बहुजन आघाडीचे अनेक पदाधिकारी व कार्यकर्ते मोठ्या संख्येने उपस्थित होते.
