अहमदनगर : वंचित बहुजन आघाडीचे राज्य कार्यकारिणी सदस्य सुजात आंबेडकर यांच्या अहमदनगर दौऱ्यादरम्यान श्रीरामपूर शहरातील वंचित बहुजन आघाडीच्या कार्यालयाचे उद्घाटन त्यांच्या हस्ते करण्यात आले. यावेळी पक्षाच्या संघटनात्मक बांधणीसह आगामी लढ्याच्या पार्श्वभूमीवर कार्यकर्त्यांना मार्गदर्शन करण्यात आले.
‘गाव तिथे शाखा’ या संकल्पनेनुसार पक्षाची संघटनात्मक बांधणी अधिक मजबूत करण्यावर यावेळी भर देण्यात आला. वंचित बहुजन आघाडीची ध्येय-धोरणे तळागाळातील जनतेपर्यंत पोहोचवणे, संघटन विस्तार करणे तसेच आगामी काळातील विविध सामाजिक आणि लोकशाही विषयांवरील लढ्यांसाठी कार्यकर्त्यांनी सज्ज राहावे, असे आवाहन करण्यात आले.
यावेळी वंचित बहुजन आघाडीच्या राष्ट्रीय कार्यकारिणी सदस्य दिशाताई पिंकी शेख, राज्य प्रवक्ता उत्कर्षाताई रूपवते, सम्यक विद्यार्थी आंदोलनाचे राज्य प्रवक्ता प्रशांत बोराडे, वंचित बहुजन आघाडीचे श्रीरामपूर शहराध्यक्ष ओम त्रिभुवन यांच्यासह पक्षाचे पदाधिकारी आणि कार्यकर्ते मोठ्या संख्येने उपस्थित होते.
