सोलापूर: संपूर्ण जीवन वन विद्येचा अभ्यास आणि लेखनासाठी समर्पित करणारे संशोधक तसेच वनाधिकारी मारुती चितमपल्ली यांचे निधन झाले आहे. वयाच्या ९३ व्या वर्षी त्यांनी अखेरचा श्वास घेतला. सोलापूरमध्ये बुधवारी सायंकाळी यांचे निधन झाले.
दरेष्यान, काही दिवसापासून त्यांची तब्येत खालोब्ली होते. उपचारासाठी त्यांना, सोलापूर येथील एका खाजगी रुग्णालयात दाखल केले होते. मात्र, बुधवारी सकाळपासूनच त्यांची प्रकृती चिंताजनक होती. सायंकाळी त्यांचे रुग्णालयातच निधन झाले. (Maruti Chitampalli Death)
शैक्षणिक प्रवास –
त्यांच्या शालेय शिक्षणाचे बोलायचे झाले तर त्यांनी सोलापुरयेथील एम. पोरै स्कूल व नॉर्थकोट टेक्निकल हायस्कूलमधून आपले शालेय शिक्षण पूर्ण केले. पुढे त्यांनी दयानंद महाविद्यालयातून उच्च माध्यमिक शिक्षण घेतले. पुढे त्यांनी पुढील व्यावसायिक शिक्षण त्यांनी स्टेट फॉरेस्ट कॉलेज, कोईमतूर आणि बंगळुरू, दिल्ली, कान्हा राष्ट्रीय उद्यान (मध्य प्रदेश), डेहराडून येथील बने आणि वन्यजीवविषयक संस्थांमधून घेतले.
नांदेड येथील संस्कृत पाठशाळेत तसेच पुणे आणि पनवेल येथील संस्कृत पंडितांकडे संस्कृत भाषेचे व साहित्याचे अध्ययन केले. त्यांनी जर्मन व रशियन भाषांचाही अभ्यास केला. महाराष्ट्र शासनाच्या वनविभागात त्यांनी तीस वर्षे सेवा केली. मेळघाट व्याघ्र प्रकल्प यामध्ये ते उपसंचालक या पदावर कार्यरत असताना १९९० साली ते सेवानिवृत्त झाले. (Maruti Chitampalli Death)
