शिरड-शहापूर : ईद-उल-फित्रच्या पवित्र पर्वानिमित्त शिरड-शहापूर येथे सर्व मुस्लिम बांधवांसोबत ईदचा आनंद साजरा करण्यात आला. यावेळी वंचित बहुजन आघाडीच्या वतीने मुस्लिम बांधवांना बिस्कीट वाटप करून ईदच्या मनःपूर्वक शुभेच्छा देण्यात आल्या.
या कार्यक्रमात समाजरत्न अनिल कांबळे, जिल्हाध्यक्ष तथा जिल्हा समन्वयक, वंचित बहुजन आघाडी, हिंगोली यांच्या प्रमुख उपस्थितीत सामाजिक सलोखा, बंधुभाव आणि एकतेचा संदेश देण्यात आला.
यावेळी आनंद ढेंबरे, हनीफ पठाण, अफरोज पठाण, अजिज पठाण, ॲड. मुस्ताख अहमद, दीपक सूर्यतळ, अजय सूर्यतळ, वैभव सूर्यतळ, स. मोशीन, यशवंत कांबळे आदी उपस्थित होते. तसेच मोठ्या संख्येने गावकरी व मुस्लिम बांधव कार्यक्रमास उपस्थित होते.
ईदच्या निमित्ताने सर्व धर्मीयांमध्ये प्रेम, आपुलकी, बंधुभाव आणि सामाजिक एकोपा वृद्धिंगत व्हावा, असा संदेश यावेळी देण्यात आला. त्यामुळे शिरड-शहापूरमध्ये ईदचा उत्सव आनंदमय व उत्साहपूर्ण वातावरणात साजरा झाला.
दरम्यान, ईद उत्सवाच्या पार्श्वभूमीवर कायदा व सुव्यवस्था अबाधित राहावी यासाठी पोलिस निरीक्षक श्यामकुमार डोंगरे, पोलिस उपनिरीक्षक श्रीधर वाघमारे, ASI बंडू घुगे, जमादार शंकर भिसे, जमादार स. शाहेद यांच्यासह इतर पोलिस कर्मचाऱ्यांनी चोख पोलिस बंदोबस्त ठेवला. पोलिस प्रशासनाच्या दक्षतेमुळे ईदचा उत्सव शांततेत व उत्साहात पार पडला. प्रेम, बंधुभाव आणि सामाजिक सलोखा जपत शिरड-शहापूर येथे ईदचा उत्सव उत्साहात साजरा करण्यात आला.
