धनगर समाज बांधवांचे नेतृत्व होणार बळकट
मुंबई : वंचित बहुजन आघाडीने लोकसभा निवडणुकीसाठी उमेदवारांची दुसरी यादी जाहीर केली असून, त्यांनी २ धनगर समाजातील उमेदवारांना लोकसभेच्या रिंगणात उतरवले आहे. यामध्ये साताऱ्यातून मारुती जानकर आणि जालन्यामधून प्रभाकर बकले यांना उमेदवारी देण्यात आल्याची माहिती पक्षाच्या वतीने मीडिया हॅंडलवर देण्यात आली आहे.
यामुळे धनगर समाजातील प्रश्नांना सोडवण्याचा मार्ग खूला झाला असून, वंचित बहुजन आघाडीच्या या निर्णयाचे स्वागत धनगर बांधवांकडून करण्यात येत आहे. तसेच, ॲड. प्रकाश आंबेडकर यांनी सर्वच स्तरातील जनतेला सोबत घेऊन जाण्याचा निर्धार केला होता. त्यानुसार वंचित, शोषित समूहांना उमेदवारी देण्यात आल्याने सर्वच स्तरातून त्यांच्या या निर्णयाचे स्वागत होत आहे. याचबरोबर, या निर्णयामुळे धनगर समाजाची ताकद वंचित बहुजन आघाडीसोबत राहणार असल्याने या ठिकाणची लढत निर्णायक ठरणार आहे.
