पुणे : शहरातील रिपब्लिकन सेनेला मोठा धक्का बसला असून पक्षाचे महत्त्वाचे पदाधिकारी वंचित बहुजन आघाडीत दाखल झाले आहेत. सतीश दीपक साबळे (पुणे जिल्हा पूर्व अध्यक्ष, रिपब्लिकन वाहतूक सेना) आणि अजय नवनाथ साळवे (पुणे शहर कार्याध्यक्ष, रिपब्लिकन वाहतूक सेना) यांनी अधिकृतपणे वंचित बहुजन आघाडीत प्रवेश केला.
या प्रवेशामुळे पुणे शहरातील राजकीय समीकरणांमध्ये बदल होण्याची शक्यता व्यक्त केली जात आहे. दोन्ही नेत्यांच्या प्रवेशामुळे वंचित बहुजन आघाडीला शहरात बळकटी मिळणार असल्याचे कार्यकर्त्यांकडून सांगण्यात येत आहे.
Also Read : बार्टीच्या जाहिरातीवरून राष्ट्रीय अनुसूचित जाती आयोगाची महासंचालकांना नोटीस; वंचित बहुजन आघाडीच्या पाठपुराव्याला यश
दरम्यान, नव्याने पक्षात दाखल झालेल्या सतीश साबळे आणि अजय साळवे यांचे वंचित बहुजन आघाडीच्या पदाधिकाऱ्यांकडून स्वागत करण्यात आले असून त्यांच्या पुढील राजकीय वाटचालीस शुभेच्छा देण्यात आल्या आहेत.
