पुणे : पुणे शहरातून एक अत्यंत धक्कादायक प्रकार समोर आला आहे. एका शाळेच्या प्राचार्यांना ब्लॅकमेल करत तब्बल ७ लाख रुपयांची खंडणी उकळण्यात आल्याचा आरोप असून, या प्रकरणात पोलिस खात्यातीलच एका अधिकाऱ्यासह तिघांविरोधात गुन्हा दाखल करण्यात आला आहे. या प्रकरणामुळे संपूर्ण शहरात खळबळ उडाली आहे. (Pune Principal Blackmail)
या प्रकरणात पोलीस उपनिरीक्षक अजित बडे, कर्मचारी सुदाम तायडे आणि दामिनी पथकातील ‘रील स्टार’ म्हणून ओळखली जाणारी सोनाली हिंगे यांचा समावेश आहे. तिघांविरोधात बंडगार्डन पोलीस ठाणे येथे गुन्हा नोंदवण्यात आला आहे.
Also Read : बारामतीत काँग्रेसची माघार ; उमेदवारी अर्ज घेतला मागे
मिळालेल्या माहितीनुसार, आरोपींनी संबंधित प्राचार्यांना त्यांच्या काही वैयक्तिक बाबी उघड करण्याची धमकी देत ब्लॅकमेल केले. ही माहिती सार्वजनिक करण्याची भीती दाखवत त्यांनी मोठ्या रकमेची मागणी केली. दबावाखाली प्राचार्यांनी सुमारे ७ लाख रुपये दिल्याचे समोर आले आहे. (Pune Principal Blackmail)
घटना उघडकीस आल्यानंतर पोलीस आयुक्तांनी तातडीने हस्तक्षेप करत कारवाईचे आदेश दिले. तिघांविरोधात गुन्हा दाखल करण्यात आला असून, सध्या या प्रकरणाचा सखोल तपास सुरू आहे. विशेष म्हणजे या प्रकरणात पोलिस विभागातीलच अधिकारी सामील असल्याने संपूर्ण यंत्रणेतच मोठी खळबळ उडाली आहे.
Also Read : ट्रम्प यांचा ‘चिकन आऊट’ पॅटर्न: दोन आठवड्यांचा सुस्कारा, पण पुढे काय?
या घटनेमुळे कायद्याचे रक्षण करणाऱ्या पोलिस दलाच्या विश्वासार्हतेवर प्रश्नचिन्ह निर्माण झाले आहे. नागरिकांमध्ये संतापाची भावना व्यक्त होत असून, दोषींवर कठोर कारवाई व्हावी अशी मागणी होत आहे. (Pune Principal Blackmail)
दरम्यान, आरोपींनी यापूर्वीही अशाच प्रकारे इतर कोणाला ब्लॅकमेल केले आहे का, याचाही तपास पोलीस करत आहेत. संबंधित प्राचार्यांकडून अधिक माहिती घेतली जात असून, लवकरच या प्रकरणात आणखी धक्कादायक खुलासे होण्याची शक्यता व्यक्त केली जात आहे.
