पुणे : पुण्यातील मावळ येथील कुंडमळा इंद्रायणी नदीवरील पूल कोसळल्याची घटना ताजी असतानाच अजून एक खळबळजनक घटना घडली आहे. पुणे कोलाड मार्गावर उभारलेले पूल वाहून गेल्याची माहिती समोर आली आहे. सध्या पुण्यात पावसाच्या संततधारेमुळे हा पूल कोसळला आहे. अशी माहिती सांगितली जात आहे.
पिरंगुट येथे ह्या पुलाचे बांधकाम करण्यासाठी तात्पुरता हा पूल उभारला गेला होता. आता हा पूल वाहून गेल्याची माहिती समोर आली आहे. नव्या पुलाच्या उद्घाटनापूर्वी या पुलाचा तात्पुरत्या वापर केला जात होता. मात्र हाच पूल आता वाहून गेला आहे.
पुलाचा दोन दिवसापूर्वी उद्घाटना समारंभ संपन्न झाला होता. तात्पुरता पूल वाहून जाण्याची घटना घडण्यापूर्वी नवीन पुलाचे उद्घाटन करण्यात आले. नवीन पूल सुरु झाल्याने वाहतुकीवर कोणताही परिणाम झाला नसल्याचे म्हटले जात आहे.
पुण्याच्या मावळमधील कुंडमळा येथे इंद्रायणी नदीवरील पूल कोसळला. पूल कोसळल्यानंतर अनेकजण इंद्रायणी नदीच्या पात्रात वाहून गेले. यातील ५१ जणांना वाचवण्यात आले आहे. या दुर्घटनेमध्ये चौघांचा मृत्यू झाला होता.
