पिंपरी चिंचवड : वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी पंतप्रधान नरेंद्र मोदी यांच्याबाबत विचारलेल्या प्रश्नांच्या पार्श्वभूमीवर करण्यात आलेल्या कथित बेताल वक्तव्याच्या निषेधार्थ पिंपरी चिंचवड शहरात तीव्र निदर्शने करण्यात आली. २ मार्च रोजी मुंबई येथे “मुद्रा मोदी से मुजरा मोदी” या आंदोलनाचे आयोजन करण्यात आले होते.
या आंदोलनादरम्यान बाळासाहेब आंबेडकर यांनी पंतप्रधान नरेंद्र मोदी यांना काही प्रश्न उपस्थित केले होते. या संदर्भात अमर साबळे यांनी केलेल्या कथित बेताल वक्तव्यामुळे वंचित बहुजन आघाडीच्या कार्यकर्त्यांमध्ये संताप व्यक्त करण्यात आला.
या वक्तव्याच्या निषेधार्थ पिंपरी चिंचवड शहरात वंचित बहुजन आघाडीच्या वतीने आंदोलन व निदर्शने करण्यात आली. आंदोलनादरम्यान अमर साबळे यांच्या वक्तव्याचा तीव्र निषेध व्यक्त करण्यात आला आणि त्यांनी केलेल्या वक्तव्याबद्दल माफी मागावी, अशी मागणीही आंदोलकांनी केली.
या वेळी वंचित बहुजन आघाडीचे राज्य उपाध्यक्ष अनिल जाधव, राज्य उपाध्यक्ष सर्वजित बनसोडे, तसेच पिंपरी चिंचवड शहरातील पदाधिकारी व कार्यकर्ते मोठ्या संख्येने उपस्थित होते.
