IPL २०२६ : आजपासून इंडियन प्रीमियर लीगच्या नव्या हंगामाला जोरदार सुरुवात होत असून, पहिल्याच सामन्यात Royal Challengers Bangalore आणि Sunrisers Hyderabad आमनेसामने येणार आहेत. हा सामना बंगलोरच्या M. Chinnaswamy Stadium वर रंगणार असून, सायंकाळी 7 वाजता नाणेफेक तर 8 वाजता प्रत्यक्ष खेळाला सुरुवात होईल.
गतविजेता म्हणून मैदानात उतरणाऱ्या आरसीबीकडे आत्मविश्वासाचा मोठा साठा आहे. तर दुसरीकडे, गेली अनेक वर्षे किताबापासून दूर असलेल्या हैदराबादचा संघ यंदा नव्या जोमाने खेळताना दिसणार आहे. विशेष म्हणजे Ishan Kishan पहिल्यांदाच हैदराबादच्या नेतृत्वाची धुरा सांभाळणार आहे.
दोन्ही संघांच्या आमनेसामन्याचा इतिहासही चुरशीचा आहे. आतापर्यंत झालेल्या 26 सामन्यांपैकी आरसीबीने 14 वेळा विजय मिळवला आहे, तर हैदराबादने 11 सामने जिंकले असून एक सामना निकालाविना राहिला आहे.
संभाव्य प्लेइंग इलेव्हन:
आरसीबी: फिल सॉल्ट, Virat Kohli, देवदत्त पडिक्कल, रजत पाटीदार (कर्णधार), जितेश शर्मा (यष्टिरक्षक), टिम डेव्हिड, रोमॅरियो शेफर्ड, क्रुणाल पंड्या, भुवनेश्वर कुमार, जेकब डफी, वेंकटेश अय्यर, रसिक दार
एसआरएच: अभिषेक शर्मा, ट्रॅव्हिस हेड, इशान किशन (कर्णधार/यष्टिरक्षक), नितीश कुमार रेड्डी, Heinrich Klaasen, अनिकेत वर्मा, हर्षल पटेल, Liam Livingstone, झीशान अन्सारी, जयदेव उनाडकट, ब्रायडन क्रास
विशेष म्हणजे तब्बल नऊ वर्षांनंतर आयपीएलचा उद्घाटन सामना पुन्हा एकदा बंगलोर आणि हैदराबाद यांच्यात होत आहे.
2017 साली या दोन्ही संघांमध्ये अंतिम सामना झाला होता, ज्यात हैदराबादने बाजी मारली होती. त्यामुळे यंदाच्या पहिल्याच सामन्यात जुन्या आठवणी ताज्या होण्याची शक्यता आहे.
एकूणच, दोन्ही संघ ताकदीचे असल्यामुळे आजचा सामना रंगतदार होणार हे निश्चित.
