विश्रांतवाडी : धानोरी परिसरात सोशल मीडियावर डॉ. बाबासाहेब आंबेडकर यांच्याबाबत आक्षेपार्ह मजकूर असलेले स्टेटस टाकल्याप्रकरणी एका परप्रांतीय तरुणास विश्रांतवाडी पोलिसांनी अटक केली आहे.
प्रिन्स शर्मा असे अटक करण्यात आलेल्या आरोपीचे नाव असून, त्याने सोशल मीडियावर आक्षेपार्ह विधान प्रसारित केल्याचे समोर आले आहे. ही बाब पेरणे येथील कार्यकर्ते दिनेश कांबळे यांच्या निदर्शनास आल्यानंतर त्यांनी तातडीने संबंधित माहिती आंबेडकरी चळवळीतील कार्यकर्त्यांना दिली. (Pune Crime News)
Also Read : अकोल्यात घरगुती गॅस समस्येमुळे वंचित बहुजन आघाडीचे माजी सरपंचाचा मृत्यू ; पुणे- पिंपरी चिंचवडमध्ये तातडीचे नियोजन आवश्यक
यानंतर विश्रांतवाडी व येरवडा परिसरातील कार्यकर्ते विवेक लोंढे, सुरेश गायकवाड, विशाल सोनावणे आणि गौतम जाधव यांनी तात्काळ विश्रांतवाडी पोलीस ठाण्यात धाव घेतली. कार्यकर्ते दीपक कांबळे यांनी दिलेल्या फिर्यादीवरून पोलिसांनी प्रिन्स शर्मा याच्याविरोधात गुन्हा दाखल केला आहे. (Pune Crime News)
दोन समाजांमध्ये तेढ निर्माण करण्याचा प्रयत्न केल्याचा आरोप ठेवत आरोपीवर विविध कलमांखाली गुन्हा नोंदवण्यात आला असून, त्याला अटक करण्यात आली आहे. (Pune Crime News)
Also Read : कर्जत-जामखेडमध्ये जेष्ठ नागरिकांचा मोर्चा; मागण्या पूर्ण न झाल्यास तीव्र आंदोलनाचा इशारा!
या प्रकरणी विश्रांतवाडी पोलीस ठाण्याचे वरिष्ठ पोलीस निरीक्षक मंगेश हांडे यांच्या मार्गदर्शनाखाली कारवाई करण्यात आली असून, पोलीस उपनिरीक्षक पदमराज गंपाले हे पुढील तपास करत आहेत.
