– संजीव चांदोरकर
मला देशात गेल्या दहा वर्षात एक लाख शाळा बंद, म्हणजे दिवसाला २५ (!) पडल्याचा राग नक्कीच येतो
पण त्यापेक्षा जास्त राग येतो
या निर्णयाला कोणताही विरोध न करता मम म्हणणाऱ्या त्या संबंधित अधिकाऱ्यांचा / संबंधित राजकीय जनप्रतिनिधींचा जे स्वतः जिल्हा परिषदा / म्युनिसिपल / किंवा सरकारी मदतीवर चालणाऱ्या शाळांमध्ये शिकून ..ते आज जे काही आहेत तेथपर्यंत पोचले आहेत….
एवढेच नाही तर त्यांचे रक्ताचे नातेवाईक, गावातील कुटुंबे अशाच शाळात शिकत आहेत.
अशा व्यक्तींच्या हृदयात काहीच कालवाकालव होत नसेल का?
एकामागून एक सार्वजनिक उपक्रम गिळंकृत करणाऱ्या, शनसाला हाताशी धरून अस्तित्वात असणाऱ्या सार्वजनिक उपक्रमांचे पंख छाटणाऱ्या ..
….खाजगी क्षेत्राच्या एलिट वर्गातील प्रवर्तक / लठ्ठ पगारावर काम करणारे / समर्थक व्यक्तींचा मला राग नक्कीच येतो
पण त्यापेक्षा जास्त राग येतो अशा मध्यमवर्गीयांचा ज्यांनी सारे आयुष्य सार्वजनिक क्षेत्रात, बँकेत सुरक्षित नोकऱ्या करून, पे कमिशनमधून नियमितपणे पगारवाढ घेऊन, डीए, टीए, एलटीए घेऊन छान आयुष्य जगलेले स्त्रीपुरुष…
…….भारतासारख्या देशाला सार्वजनिक क्षेत्राची काय गरज आहे याबाबत एक ओळ देखील न वाचता सार्वजनिक उपक्रम, बँका यांच्या खाजगीकरणाचे समर्थक होतात
आपल्या कंपनीच्या शेयर्सचे भाव वाढण्यासाठी, टार्गेट गाठण्यासाठी गरिबांना न झेपणारी भरमसाट कर्जे पाजणाऱ्या, आणि नंतर गरीब कर्जदारांनी ईएमआय वेळेवर भरला नाही म्हणून कर्जदारांकडून कोणत्याही मार्गाने वसुली करणाऱ्या मायक्रो फायनान्स कंपन्यांचा मला राग नक्कीच येतो
पण त्यापेक्षा जास्त राग येतो त्याच गावातील, त्याच जातीतील , त्याच वस्तीतील, त्याच वर्गात जन्मलेल्या, वाढलेल्या रिंग लीडर्सचा आणि वसुली एजंट्सचा …जे स्वतःच धंदा वाढवण्यासाठी, वसुलीसाठी निरनिराळे मार्ग स्वतःच सुचवत असतात.
ते पोटासाठी ही कामे करत असते तर समजून घेता आले असते. पण ही व अशी मंडळी स्वतःच्या हृदयाशी बेईमान झालेली असतात.
अर्थव्यवस्थेतील स्पर्धा मारणाऱ्या, छोट्या / मध्यम स्पर्धकांना धंद्यातून उठवणाऱ्या मक्तेदारी / मोनोपॉली / महाकाय कॉपोरेटच्या प्रमोटर्स / डायरेक्टर्स मला राग नक्कीच येतो
पण त्यापेक्षा जास्त राग येतो राजकीय अर्थव्यवस्था , क्लासिकल भांडवलशाही म्हणजे काय, मक्तेदारी कंपन्यांचा जागतिक इतिहास, मक्तेदारी कशी राजकीय आर्थिक निर्णय प्रक्रिया स्वतःच्या हितासाठी प्रभावित करते, ….
……. कशाचा अभ्यास करण्याचे कष्ट न घेता , स्वतः निम्न मध्यमवर्गात पिचत पडलेले लोक, पैसे देखील न घेता फुकटात, बिन बुलाए त्यांचे जीव जाईस्तो जे काही सुरू आहे त्याचे समर्थन करतात
