कल्याण : नीट (NEET) पेपरफुटी प्रकरणाची नैतिक जबाबदारी स्वीकारून केंद्रीय शिक्षण मंत्री धर्मेंद्र प्रधान यांनी आपल्या पदाचा राजीनामा द्यावा, या मागणीसाठी सम्यक विद्यार्थी आंदोलनच्या वतीने कल्याण शहरात निषेधाचे पोस्टर लावण्यात आले.
या पोस्टर आंदोलनाद्वारे नीट परीक्षेतील कथित गैरव्यवहार आणि विद्यार्थ्यांच्या भवितव्याशी झालेल्या खेळाबाबत तीव्र नाराजी व्यक्त करण्यात आली. तसेच शिक्षण व्यवस्थेतील पारदर्शकता आणि विद्यार्थ्यांना न्याय मिळावा, अशी मागणी यावेळी करण्यात आली.
या आंदोलनावेळी सम्यक विद्यार्थी आंदोलनचे महाराष्ट्र राज्य मीडिया प्रमुख रोहित डोळस, कल्याण-डोंबिवली महानगर अध्यक्ष कमलेश उबाळे यांच्यासह पदाधिकारी व कार्यकर्ते उपस्थित होते.
