नाशिक : वंचित बहुजन आघाडीच्या ध्येय-धोरणांनी आणि जनतेचे प्रश्न प्रभावीपणे मांडण्याच्या भूमिकेने प्रभावित होऊन ओझर शहराचे माजी सरपंच धर्मेंद्र जाधव यांनी शेकडो कार्यकर्त्यांसह वंचित बहुजन आघाडीत जाहीर प्रवेश केला.
हा प्रवेश सोहळा वंचित बहुजन आघाडीचे नाशिक जिल्हाध्यक्ष चेतन गांगुर्डे यांच्या नेतृत्वाखाली तसेच निफाड तालुका अध्यक्ष सचिन हिरे यांच्या अध्यक्षतेखाली पार पडला. यावेळी उपस्थित पदाधिकारी आणि कार्यकर्त्यांनी नव्याने प्रवेश केलेल्या सदस्यांचे स्वागत करत संघटना बळकट करण्याचा निर्धार व्यक्त केला.
