नांदेड : डॉ. बाबासाहेब आंबेडकर नगर फायर स्टेशन परिसरात नवीन स्ट्रीट लाईट बसविण्यात आल्याने परिसरातील नागरिकांमध्ये आनंदाचे वातावरण निर्माण झाले आहे. नगरसेविका राजश्री कुलदीप राक्षसमारे यांच्या विशेष प्रयत्नातून तसेच आंबेडकरी चळवळीचे युवा नेते विक्की वाघमारे यांच्या उपस्थितीत हा उपक्रम पूर्णत्वास आला.
परिसरात अनेक दिवसांपासून पुरेशा प्रकाशव्यवस्थेची गरज नागरिकांकडून व्यक्त केली जात होती. अखेर या मागणीची दखल घेत नवीन स्ट्रीट लाईटची व्यवस्था करण्यात आल्याने रात्रीच्या वेळी नागरिकांना सुरक्षितपणे ये-जा करणे सुलभ झाले आहे.
या स्ट्रीट लाईटमुळे परिसरातील रस्ते उजळून निघाले असून महिला, विद्यार्थी, ज्येष्ठ नागरिक तसेच सर्वसामान्य नागरिकांच्या सुरक्षिततेत मोठी भर पडणार आहे. तसेच परिसराच्या सौंदर्यातही वाढ झाली असून नागरिकांनी या कामाचे स्वागत केले आहे.
नागरिकांच्या मूलभूत सुविधांमध्ये झालेली ही महत्त्वपूर्ण भर विकासाच्या दृष्टीने सकारात्मक पाऊल मानली जात आहे. या कामासाठी पुढाकार घेणाऱ्या नगरसेविका राजश्री कुलदीप राक्षसमारे, युवा नेते विक्की वाघमारे तसेच संबंधित अधिकारी व कर्मचाऱ्यांचे नागरिकांनी आभार व्यक्त करत कौतुक केले आहे.
