औरंगाबाद : वंचित बहुजन आघाडीच्या वतीने येथील क्रांती चौकात पंतप्रधान नरेंद्र मोदी यांच्या विरोधात रास्ता रोको आंदोलन करण्यात आले. “मोदी हटाव, देश बचाव” अशी घोषणाबाजी करत कार्यकर्त्यांनी केंद्र सरकारच्या धोरणांवर टीका केली. “मुद्रा मोदी से मुजरा मोदी” अशा घोषणाही देण्यात आल्या.
महाराष्ट्र अर्थसंकल्प २०२६-२७: शेतकरी कर्जमाफी योजना
पंतप्रधान नरेंद्र मोदी आणि काही केंद्रीय मंत्र्यांचे नाव एपस्टीन फाईलमध्ये आल्याचा आरोप होत आहे.तसेच नरेंद्र मोदी यांना ट्रम्प ब्लॅकमेल करत आहे. यामुळे ते अमेरिकेसोबत झालेल्या करारांमुळे आणि फ्रान्ससोबत झालेल्या राफेल करारामुळे देशाचे सार्वभौमत्व धोक्यात आल्याचा आरोप यावेळी आंदोलकांनी केला.
… अन् पोलीस पळत सुटले!
मोदी सरकार देशासाठी धोकादायक ठरत असल्याचा आरोप करत वंचित बहुजन आघाडीच्या कार्यकर्त्यांनी रास्ता रोको आंदोलन केले. यावेळी कार्यकर्ते नरेंद्र मोदी यांच्या पुतळ्याचे दहन करतील या भीतीने उपस्थित पोलिस नरेंद्र मोदींचा पुतळा घेऊन पळत सुटले.
जालन्यात अमर साबळे यांच्या वक्तव्याविरोधात निषेध; वंचित बहुजन आघाडीने होळी करून फोटोचे दहन
मोदींना सत्तेतून हटवून देश वाचवण्याचे आवाहन आंदोलनकांनी यावेळी केले. या आंदोलनात वंचित बहुजन आघाडीचे राज्य सदस्य तथा नगरसेवक अमित भुईगल, जिल्हानिरीक्षक पूर्व योगेश बन, जिल्हाध्यक्ष पूर्व रामेश्वर तायडे, जिल्हाध्यक्ष पश्चिम रूपचंद गाडेकर, युवा जिल्हाध्यक्ष सतीश गायकवाड , महिला जिल्हाध्यक्ष कोमल हिवराळे, शहराध्यक्ष पंकज बनसोडे, युवा शहराध्यक्ष मध्य संदीप जाधव, युवा शहराध्यक्ष पश्चिम राहुल मकासरे आदी कार्यकर्ते पदाधिकारी उपस्थित होते.
