अक्कलकोट : तालुक्यातील मैदर्गी येथील अनेक सक्रिय युवा कार्यकर्त्यांनी वंचित बहुजन आघाडीत जाहीर प्रवेश केला. अक्कलकोट येथील हॉटेल स्वप्नपूर्ती येथे (दि.१३) हा पक्षप्रवेशाचा कार्यक्रम उत्साहात पार पडला.
वंचित बहुजन आघाडीचे सोलापूर जिल्हाध्यक्ष चंद्रशेखर मडीखांबे, अक्कलकोट तालुकाध्यक्ष विशाल ठोंबरे आणि नवी मुंबईचे महासचिव मल्लिनाथ सोनकांबळे यांच्या प्रमुख उपस्थितीत हा सोहळा संपन्न झाला. यावेळी उपस्थित नेत्यांनी नवीन सदस्यांचे पक्षात स्वागत करून त्यांना पुढील वाटचालीस शुभेच्छा दिल्या. (Vanchit bahujan aghadi)
मैदर्गी गावातील युवा नेतृत्व सिद्दार्थ पोतेनवरू यांच्यासह गौतम किरगल, विकास कदम, चंदू आरेनवरू, श्रीकांत आरेनवरू, किरण डुबेकर, मल्लेश शिंगे, लक्ष्मण आरेनवरू, सचिन टोणगे आदी व्यक्तींनी वंचीत बहुजन आघाडीत प्रवेश केला. तळागाळातील लोकांपर्यंत पोहोचवण्यासाठी आणि युवकांचे प्रश्न मार्गी लावण्यासाठी आम्ही कटिबद्ध आहोत, असे प्रतिपादन यावेळी नवनियुक्त कार्यकर्त्यांनी केले. याप्रसंगी अशोक सोनकांबळे, लक्ष्मण सोनकांबळे यांच्यासह वंचित बहुजन आघाडीचे इतर पदाधिकारी व कार्यकर्ते मोठ्या संख्येने उपस्थित होते.
